Wo Dil Hi Kya

Wo Dil Hi Kya

Wo dil hī kyā tire milne kī jo duā na kare
maiñ tujh ko bhuul ke zinda rahūñ ḳhudā na kare

Rahegā saath tirā pyaar zindagī ban kar
Ye aur baat mirī zindagī vafā na kare

Ye Thiik hai nahīñ martā koī judā.ī meñ
Khudā kisī ko kisī se magar judā na kare

Sunā hai us ko mohabbat duā.eñ detī hai
Jo dil pe choT to khaa.e magar gila na kare

Agar vafā pe bharosa rahe na duniyā ko
Ao koī shaḳhs mohabbat kā hausla na kare

Bujhā diyā hai nasīboñ ne mere pyaar kā chāñd
Koī diyā mirī palkoñ pe ab jalā na kare

Zamāna dekh chukā hai parakh chukā hai ise
‘Qatīl’ jaan se jaa.e par iltijā na kare

 

Qatil Shifai

 

Leave a Comment

DMCA.com Protection Status